Is gréasán traenála neamhbhrabúsach é South West Gnó Skillnet atá á mhaoiniú ag an gClár Náisiúnta Traenála Skillnets. Cuireann an gréasán roimhe bonn a chur faoi chothú agus fás na gcomhlachtaí atá ann cheana, agus faoi fhorbairt chomhlachtaí nua i gCúige Mumhan trí thionscnaimh thábhachtacha straitéiseacha a chur ar fáil sa traenáil agus sa ghréasánú.

• Dlúth-ailíniú a bhaint amach le cuspóirí gnótha na mball-chomhlachtaí.

• Traenáil agus forbairt ar an gcaighdeán is airde a chur ar fáil trasna an réigiúin ar fad.

• Cumhacht caiteachais an ghréasáin agus an maoiniú a chuireann Skillnets ar fáil a úsáid chun traenáil a chur ar fáil ar bhonn an-éifeachtúil ar chostas.

 
Má tá a thuilleadh eolais uait faoin ngréasán, cuir ríomhphost chughainn ag eolas@southwestgno.com 

Leanann struchtúr Skillnet Ghaeltachtaí na Mumhan na treoirlínte a chuireann Skillnets ar fáil:

Grúpa Stiúrtha an Ghréasáin

Dhá chomhlacht déag as baill an ghréasáin..

Tá Coiste Stiúrtha an Ghréasáin ceaptha do réir dáileadh na gcomhlachtaí sna Gaeltachtaí éagsúla agus sna hearnálacha éagsúla. Is iad na fachtóirí is mó a tugadh san áireamh agus an coiste stiúrtha á cheapadh ná an toil a bheith páirteach, cumas am a chur ar fáil, agus leibhéal na páirtíochta sa traenáil go dtí seo (i gcásanna áirithe), chomh maith le fachtóirí geografacha agus earnálacha. Beidh ar bhaill an ghrúpa stiúrtha teangmháil a dhéanamh go minic leis na ball-chomhlachtaí ina réigiún nó ina n-earnáil féin.

Príomhaí an Ghréasáin

Comharchumann Forbartha Chorca Dhuibhne Teo - www.cfcd.ie

Is comharchumann forbartha é CFCD atá lonnaithe i mBaile an Fheirtéaraigh, An Daingean, Co. Chiarraí. Tá an comharchumann ann le daichead bliain agus lena linn sin tá éirithe go hiontach leis i bhforbairt na Gaeltachta.

Baill an Ghréasáin

Tá 108 ball anois ann, agus táthar ag súil go méadóidh sé sin. Forbrófar clár chun cothú a dhéanamh ar idirghabháil idir na baill agus ar a bpáirtíocht i ngíomhartha an ghréasáin; is é Bainisteoir an Ghréasáin a riarfaidh an clár sin, faoi mhaoirseacht an Ghrúpa Stiúrtha.

Is é Bainisteoir an Ghréasáin, le treoir agus maoirseacht ón nGrúpa Stiúrtha, a chomhordnóidh na gníomhartha a eascróidh as cláracha traenála, a fhostóidh comhairleoirí, a dhéanfaidh measúnú agus iniúchadh agus a láimhseálfaidh gnóthú na dteastas.